ប្រវត្តិកីឡា

Hockey ជាប្រភេទកីឡាអូឡាំពិកដែលមានប្រជាប្រិយយ៉ាងខ្លាំងក្នុងចំណោមប្រទេស ដែលធ្លាប់ស្ថិតនៅក្រោមអាណានិគមរបស់អង់គ្លេស ។

   ដោយសារតែអញ្ចឹងហើយទើបគេនិយាយថា ប្រភេទកីឡានេះមានប្រភពចេញមកពីប្រទេសអង់គ្លេសនោះ ។បើតាមការអះអាងពីលោក Gulam Guos ដែលជាអ្នកជំនាញនៃសហព័ន្ធកីឡា Hockey អន្តរជាតិនោះថា តាមពិតប្រភេទកីឡានេះ មានដើមកំណើតដំបូងនៅប្រទេសចិន ។ យុគសម័យចិនបូរាណគេឃើញមានលេងកីឡាដែលប្រើដំបងវាយទៅលើវត្ថុរាង មូលដែលមិនមានកំណត់ទំហំ ឬ ធ្វើពីប្រភេទអ្វីនោះទេ ។ការលេងកាលនោះមិនមានច្បាប់ទម្លាប់អ្វីនោះឡើយ។

   ក្រោយមកអង់គ្លេសបានអភិវឌ្ឍន៍ប្រភេទកីឡានេះ ឲ្យមានភាពទាន់សម័យ និង មានច្បាប់ទម្លាប់ត្រឹមត្រូវក្នុងការលេង គឺអ្វីៗបង្ហាញពីភាពទាន់សម័យ ។ ក្នុងខណៈដែលអង់គ្លេសយកមកអភិវឌ្ឍន៍បែបនេះហើយទើបប្រទេសដែល ស្ថិតនៅក្រោមអាណានិគមរបស់ងង់គ្លេសនោះ ចូលចិត្តលេងកីឡានេះ ។

   Hockey មានប្រភេទ Indood ដែលលេងក្នុងបន្ទប់ និង ប្រភេទ Out Door ដែលលេងលើទីលានមានស្មៅ ។ ទីលានសម្រាប់ប្រកួតជាផ្លូវការគឺបណ្ដោយ ១០០ ម៉ែត្រ ទទឺង ៤០ ម៉ែត្រ ។ Goal មានកំពស់ ២ ម៉ែត្រ និង បណ្ដោយ ៤ Yard ។កីឡាករសម្រាប់ក្រុមនីមួយៗមាន ១៦ នាក់តែការលេងនៅក្នុងទីលានកំណត់តែ ១១ នាក់ប៉ុណ្ណោះ ។ ការលេងកីឡាករអាចធ្វើការផ្លាស់ប្ដូរចេញ-ចូលដោយមិនកំណត់ចំនួនឡើយ ។កីឡានេះមានប្រភេទលេងលើទឹកកកគឺប្រភេទ Ice-Hockey និង លេងលើវាលស្មៅ (Field-Hockey) ។

   ដងឈើសម្រាប់វាយមានប្រវែងជិត ០,៥០ ម៉ែត្រ និងមានទម្ងន់ ៥០០ ក្រាម ចំពោះកូនបាល់សម្រាប់វាយធ្វើពីកៅស៊ូ ដែលមានទម្ងន់ ៤០ ក្រាមប៉ុណ្ណោះ ។ វិន័យក្នុងការហ្វឹកហាត់គឺហាមដាច់ខាតមិនឲ្យអត្តពលិកទាំងអស់លើក ដំបងសម្រាប់ វាយកូនបាល់នោះខ្ពស់ជាងស្មាឡើយ ។ អត្តពលិកដែលលេងកីឡានេះមានវិន័យក្នុងការលេងណាស់ហើយទោះជាមាន កំហឹងក្នុងកម្រិតណាក៏ដោយក៏គេមិនដែលប្រើដំបងធ្វើជាអាវុធដើម្បី បញ្ចេញកំហឹងដាក់គ្នាដែរ ។

   រយៈពេលនៃការប្រកួតគឺ ៣៥ នាទី ២ ដង ដោយសម្រាក ៥ នាទី តែការប្រកួតជាផ្លូវការនោះសម្រាក ៧ នាទី ។ អាជ្ញាកណ្ដាលមាន ២ នាក់និង អាជ្ញាកណ្ដាលបំរុងម្នាក់ ។សម្រាប់អាជ្ញាកណ្ដាលទាំង ២ នាក់នោះសុទ្ធតែមានកញ្ចែ និង មានសិទ្ធិផ្លុំកញ្ចែដូចគ្នាប្រសិនបើគាត់មើលឃើញពីកំហុសរបស់កីឡាករ ណាម្នាក់នោះ ។

   ចំពោះការព្រមាន ចែកចេញជា ៣ សណ្ឋានគឺកាតពណ៌ខៀវ (Green-Card) កាតពណ៌លឿង (Yellow- Card) និងកាតពណ៌ក្រហម (Red-Card) ។កីឡាករដែលមានកំហុសព្រមានដោយកាតពណ៌ខៀវនោះនឹងត្រូវផ្អាកមិនឲ្យ លេងរយៈពេល ២ នាទី ។

ការពិន័យដោយកាតលឿងចែកចេញជា ២ ករណីគឺក្នុងករណីមិនសូវធ្ងន់ធ្ងរផ្អាកមិនឲ្យ លេងរយៈពេល ៥ នាទីតែបើក្នុងករណីធ្ងន់ធ្ងរវិញនោះអាចបញ្ឈប់លែងឲ្យលេងពេញមួយ ប្រកួតនេះតែម្ដង ។ ចំពោះកាតក្រហម (Red-Card) គឺបញ្ឈប់លែងឲ្យប្រកួតមួយប្រកួត ឬ មួយរដូវ ឬ ក្នុងរយៈពេលមួយដែលមានចែងយ៉ាងច្បាស់លាស់ក្នុងច្បាប់ប្រកួត ។

   កីឡា Hockey បានក្លាយជាប្រភេទកីឡាអូឡាំពិកតាំងពីឆ្នាំ១៩០៨ មកម្ល៉េះដែលមកទល់សព្វថ្ងៃនេះមានរយៈពេល ១០៤ ឆ្នាំហើយ ។សម្រាប់ទ្វីបអាស៊ី ប្រទេសឥណ្ឌា និង ប៉ាគីស្ថាន ដែលធ្លាប់ស្ថិតនៅក្រោមអាណានិគមរបស់អង់គ្លេស នោះ គឺនិយមកីឡានេះណាស់ ឯ ទ្វីបអឺរុបវិញ មានប្រជាប្រិយខ្លាំងនៅអាល្លឺម៉ង់ ហូល្លង់ និងបណ្ដាប្រទេសនានាមួយចំនួនទៀត ។

   នៅទ្វីបអាស៊ី ជើងឯក Hockey តែងតែបានទៅលើប្រទេសឥណ្ឌា និង ប្រទេសប៉ាគីស្ថាន ដោយរបៀបឆ្លាស់គ្នា ទៅវិញទៅមក ។កីឡានេះមានការប្រកួតកម្រិតពិភពលោក ប្រកួតអូឡាំពិក ការប្រកួតតាមទ្វីប និង ប្រកួតតាមតំបន់ ។ ជើងឯកកីឡា Hockey ក្នុងក្របខ័ណ្ឌអូឡាំពិកសម្រាប់បុរស គឺប្រទេសអាល្លឺម៉ង់ សម្រាប់នារីគឺបានទៅចិន ។

ចំពោះការប្រកួតជើងឯកពិភពលោក (World-Cup) វិញនោះលេខ ១ សម្រាប់បុរសប្រទេសអូស្ត្រាលីចំពញនារីវិញ គឺប្រទេស ហូល្លង់ ។ចំពោះតំបន់អាស៊ានវិញនោះមានតែប្រទេសម៉ាឡេស៊ីទេដែលខ្លាំងនោះ ។

Prev Next